ميدالية وتعليقة وأفكار ثانية ..حياكم مع حنيني

حنيني للجنة · منذ /20/2/1431 هـ, 12:28 ص

بسم الله الرحمن الرحيم

السلام عليكم ورحمة الله وبركاته

اليوم جهزت لكم موضوع إن شاء الله يعجبكم، وتستمتعون فيه : )

الموضوع متعلق بقماش الجوخ (الوبر)، وكيف نستفيد من هذي الخامة في الشغلات اليدوية؟

طبعا في أفكار كثيرة راح أذكر البعض منها، وأنتوا وخيالكم

قماش الجوخ أو البعض يسميه الوبر تلقونه بالمكتبات وبعدة ألوان ورخيص بعد

ممكن نستخدمه بأكثر من طريقة يا إما نحشيه بالقطن مثل ماراح أوريكم أو إن نستخدمه عادي بدون تجسيم

أولا راح استعرض لكم طريقة صنع فراولة بالتفصيل والهذرة الواجدة : )

>>اعتبروها كمثال

أول شي نجهز الأدوات>>عشان مانقوم ونجلس

الأدوات:قماش الجوخ/قطن/أبرة/خيط/خرز طبعا ممكن نجيب أزرة أي شي

هنا قصيت القماش على شكل فراولة..طبعا نطويه عشان يطلع معنا شكلين

هنا خيطت الخرز >>الشكل من ورا وقدام

هنا قلبتهم على بعض وبعدين خيطتهم يعني تكون الفصوص عالداخل

طبعا ما نخيط للأخير لازم نترك جزء بسيط عشان نقلب القماش

بعدين قلبته وحشيته بالقطن

للأسف أنا ماتوقعت الخياطة راح تظهر فما اهتميت بلون الخيط :/

بعدين نجي نسوي اللي فوق الفراولة وإذا مالقيت اللون اللي تبي مشي حياتك>>أصلا الإبداع هو الخروج عن المألوف..
المهم نقص الشكل اللي نبي ولاحظوا إني استخدمت الخيط تبع الفراولة ودخلته مثل ماتشوفون في أوراق الفروالة عشان لاسحبته يعطي مثل البروز من فوق

ونثبتها على الفراولة كويس وممكن نثبت أطراف الأوراق

ألحين كيف نستفيد من الشكل اللي سويناه:

1-ممكن نخليه ميدالية مفتاح مثل ماسويت بالفراولة.

2-ممكن نستخدمها كتعليقة للملابس مثل كذا..

3-ممكن نستخدمها كبروش مثل هذا القلب

ملاحظة:في هذا القلب استخدمت أسلوب الخياطة من الخارج بغرزة البطانة>>تذكرونها قدييييمة أذكرها من ابتدائي

4-ممكن نعلقها عالمكتب >>هذي الشمس سوتها صديقتي لي الله يجزيها الجنة ويسعدها، فعطيتها الفراولة من باب وحدة بوحدة ؛)

5-ممكن ناخذ تاج قديم أو بكلة ونركب عليهم الشكل.

6-فكرة شفتها عالنت أعجبتني كثير وبإذن الله راح أطبقها وهي إنك تقصصين ألوان وأشكال من القماش تخيطينهم ببعض( بدون حشو) وتسوين منهم غلاف على قد لابتوبك، وممكن تسوين غلاف جوال، أو كاميرا.

عالعموم أكتفي بهذا القدر لأن الأفكار كثيييرة بس تحتاج فضاوة ومخ يفكر

ولأن المخ مايفكر إلا في أوقات الاختبارات راح تتفاجئون لما أقولكم إن كل هالعفسة سويتها يوم أنا أذاكر ؛)

أطيب التحايا

احساس بنوته · منذ /20/2/1431 هـ, 01:59 ص

رررررررروعه تسلمي

روح الروح · منذ /20/2/1431 هـ, 02:04 ص

يسلموووووووو يالغلا والله يوفقك

حنيني للجنة · منذ /21/2/1431 هـ, 02:23 م

حياكم ربي أتمنى تستفيدون منه : )

الثلجة الدافئه · منذ /21/2/1431 هـ, 03:43 م

يسلــــمو كتير ...
يعطيكِ الف عافية
**
*
الثلوجة الدافئه

مبدعه انا مسلمه · منذ /24/2/1431 هـ, 06:32 م

يعطيك الف عافيه

هني الطيار · منذ /24/2/1431 هـ, 06:41 م

يسلموا اليدين فديت قلبك أنا ودي أشارك في طرح المواضيع بس ماأعرف كيف أشارك على المنتدى مقضيتها ردود أرجوووووووووووووكم ساعدوني

أحلى دنيا · منذ /24/2/1431 هـ, 08:08 م

مشكوووووووووووره،،،
تسلم يدينكـ...
تقبلي مرووووري:
احلى دنيا ... (ع) مو (م)

سُـقيَا · منذ /24/2/1431 هـ, 08:14 م

|~

مبـدعة تبارك الله
هاكِ

:

ابتسم لتكن أجمل · منذ /25/2/1431 هـ, 12:14 م

أفكاااااار رائعه...

خادمه القرآآن · منذ /25/2/1431 هـ, 04:00 م

ماشاء الله عليك
والله شي روعه
والله صادقه ان الابداع مايطلع الا في الاختبارات
عموما جزاك الله خيرا ونتمنى المزيد

أريج الإسلام · منذ /25/2/1431 هـ, 11:19 م

جميل

ربنا يبارك فيكى ..

هني الطيار · منذ /3/3/1431 هـ, 04:30 ص

فديتك أنا أمس ساويت مثلها قرأت موضوعك من فترة ولسه أمس طبقته الله يجزاكي الجنة

هني الطيار · منذ /3/3/1431 هـ, 04:33 ص

ياريت كمان تنزلي مواضيع زي كذا من يدك بإذن الله بساويها إذا ما عليكي أمر

راغبه في الجنه · منذ /3/3/1431 هـ, 05:22 ص

رائع
ما شاء الله تبارك الرحمن

مواضيع مشابهة
الموضوع	الكاتب	المنتدى	الردود	آخر مشاركة
طريقة عمل ميدالية بسيطة	دمعة الإمارات	~ لمسات عالمك الخاص ~	38	28/1/1430 هـ 04:13 م
ميدالية مفاتيح	الدنيا ساعة	~ ألــــــــوان ~	8	8/2/1429 هـ 06:00 م
\|•\|.\|•\| درس عمل ميدالية بشكل بسيط \|•\|.\|•\|	سُـــلاف	~ ألــــــــوان ~	19	14/5/1427 هـ 09:00 م

أدوات الموضوع
عرض نسخة قابلة للطّباعة ارسال هذه الصفحة لصديق