مغامراتنا مع الخوافين..!

المُجاهـدة · منذ /18/3/1431 هـ, 08:35 م

بسم الله الرحمن الرحيم

السلام عليكم ورحمة الله وبركاته

كيفكم أهيل الفن والتصوير =)
طبعاً أول موضوع لي هنا <<< أطلع فيه الي بخاطري :/

فنخش دوووغري في الموضوع

طبعاً الأجواء عندنا خلال اليومين السابقين جونااااان مرة ومرتين وثلاث هع
أمطااار ووديان والدنيا مخضرة ومنغرقة

لكن...!

=(

للأسف فاتتني كل هالأجواء =(
كنت حبيسة الجدران الأربع لظروف صحية

فانحرمت من مشاهدة الأجواء الجميلة على أرض الواقع =(

فاليوم الصبح وأنا رايحة الدوام فرحاااااانة مرة
لييييش تتوقعون...؟!!

.

.

.

.

الجو كان مغيم عالآخر ؛
ودوامي يبعد عن البيت 100 كيلو تقريباً ؛
وفي منطقة نائية محاطة بالجبال والمناظر الطبيعية الجميلة =)
يعني قمة الإستمتااااع بالجو..

( هنا بعد أول نصف ساعة في الطريق)

فتفاءلت بتساقط المطر ...!

وطوال الطريق وأنا أتأمل الجو الجميل علَّ وعسى تسقط قطرة :/

( هنا بعد ساعة تقريباً )

الموووهيم /
وصديقتي معاي بالسيارة وهي جااالسة تقهر فيني وتوصف لي الأجواء كيف كانت خلال اليومين ؛
الجبال تصب شلالات / الوديان شكلها رهيييب / الطرق اتقفلت وووووو

كل هذا فاتني =(

وأنا كل هالوقت بالسيارة لسه متفاءلة بسقوط المطر تساقطاً يسقط الأشجار سقطاً << برا

فقررت من كثر ماني مقهورة أنه أعوض عن هاليومين..

بشو تتوقعون...؟!!

/

/

/

جايتكم السالفة لسه هع

المهم وصلنا إلى المنطقة الي أداوم فيها ؛

والجو كان خطنطر بصراحة ؛

غيمة كبييييرة تظلل المنطقة تبارك الرحمن..

فاستبشرت خيراً بنزول المطر =)

وما أن وصلنا المدرسة حتى بدأت قطرات المطر بالسقوط
ولو تشوفون شكلي بس :/
شوي وبطير من السيارة من كثر الفرحة :/

وهنا صورة للمدرسة أول ما وصلنا
( لاحظوا القطرات الحلوة على السيارة )

<<< عامل النظافة قصته قصة :/
نبغي نصور يمين يطلع لنا بجهة اليمين
نصور من جهة اليسار يطلع لنا :/

إلا يطلع بالصور :/

وما إن دخلنا المدرسة حتى توقفت تلك القطرات عن التساقط=(

وما زلت متفائلة =)

.

.

الآن جاء الدور للتعويض عن اليومين الماضيين ؛

بحماااس ( يلاااا قوموا نروح السد هع) <<<< همسات اشرايج بس
ومن تتبرع تروح للمديرة وتستأذن :/

وصارت عزيمة وكل وحدة تطلع لها عذر
وأنا عذري ( خوش والله يومين مو مداومة واليوم ياية وتبغي تروح السد هع)

فتبرعت وحدة من المعلمات واستأذنت عنا ؛
فلو تشوفون الفرحة بس =)

وطلعنا 6 نفرات بسيارة وحدة
ونحن طالعين شفنا بعكس اتجاه طريقنا نفرة مملوحة مزيونة وش زينها

ذكرتني بالبيت الي يقول /

غادة ذات دلال ومرح .. يجد الناعت فيها ما اقترح

والي تسوق عارفة إني ناوية ما أفوت شيء من الرحلة :/

فعشان خاطري مشينا بالسيارة بإتجاه المملوحة عشان نصورها =)

وش زينها بس :/

الموهيييم وصلنا للوادي..
آآخ بس آآآخ روووعة مرررة عالآخررر أبداً ما يفوت..

آخ لو يخلونا نغطس فيه بس :/

سبحان الخالق..!

وتخيلوا عاد ولا كائن حي موجود هنا..
يعني أخذنا راحتنا عالآخر =)

وشوي قررنا نروح لمكان ثاني..
والمكان صعب الوصول إليه..
<<<< لدرجة صديقتنا الدليل السياحي الي معانا ما تعرفهوش هع

فطحنا بمغامرة ولا أعجب منها ؛
وطبعاً المنطقة هذي ينقطع عنها الإرسال تماااماً
والي تسوق يا حبها للمغامرات ، وبقية الشعب الي معانا من أجبن الخلق :/
فهم خايفين تتغرز السيارة ونروح فيها هع <<< والمنطقة مافيها ولا كائن حي
فإلي شغالة تربط الحذام، والي شغالين بالصريخ
والي شغالة بالضحك <<<< هذي أنا هع

فوصلنا للمكان الي خاطرنا فيه :/

( وش تتوقعون ... <<<< الصورة طبيعية ولا تركيب...؟!!

محد ينزل تحت لحد ما تتوقعون شو هالمكان راح يكون ...؟!!

.

.

.

.

.

.

.

.

.

يا حلو سد الطويين بس <<<< بعض الناسات بس عرفوا يجيبون لنا أخبار السد مع أمطار الخير ونحن زرناه نقهر فيهم هع

( الطويين اسم المنطقة )

طبعاً تشوفون الدرج ماشاء الله شو طوله..
فإلي تسوق تقول نحن ما بنصعد برجولنا تعب :/
راح نصعد بالسيااارة من الطريق الي جنب الدرج هع

وتعاااوا اسمعوا أنواع الصريخ في السيارة وهي لسه بس توها تتكلم :/
وشوي وحدة من صديقاتنا المعلمات تفتح باب السيارة وهي تتحرك تبغي تنزل قبل لا نصعد :/

فصديقتنا الي تسوق رحمت الحال وما صعدت بالسيارة..

صعدنا وصعدنا وصعدنا ومدري كيف وصلنا <<< أكيد برجولكم هع

وهذي الصورة تبشرنا إننا وصلنا :/

هنا المنظر خياااال في خيااااال
سبحان الله..!

تشوفون العداد ( المكان الي فيه خط أحمر )
منسوب المياه اليوم كان واصل 6,50 متر

كان ود ودي أروح هناك تحت شوي من جنب العداد بس ما خلوني :/
قالوا لي يمكن أحد متخبي هناك :/

وهنا منظر من جانب آخر /

سبحانك ربي ما أعظمك..!

وهنا صديت وراي أشوف المزيونة الي جابتنا هع

متخيلين نحن ويييين والسيارة ويييين....؟!!
الله يرحم رجولنا <<< أظن نقصنا 10 كيلو وعلى وشك الإنقراض

هذا ونحن نازين خلاص بنرجع المدرسة =(

هنا وداعية للسد /

الود ودنا أبد ما نقوم من هالمكان =(
روعة بمعنى الكلمة..!

هنا ونحن راجعين شفنا نفر في سيارة :/
كييييف..؟!!
وليييش؟!!
والنفر نعرفه...!

كان مسؤول الباصات يدور عنا :/
مو المنطقة الي رحنا لها مافيها ارسال ، ونحن زودناها وتأخرنا عن المدرسة :/
ويتصلون ومافي ارسال فالعالم خافوا علينا ،
فكانت دورية تدور علينا هع <<< اقصد مسؤول الباصات

رحلة ممتعة بجد ،
مغامرات من أحلى ما تكون..

رجعنا المدرسة وبعدها رجعنا للبيوت ؛
ونحن تونا طالعين من المدرسة اعترض طريقنا كائن :/

وش يبغي...؟!!

كأنه يبغي يتصور :/
بس للأسف بما أنه اعترض طريقنا فجأة فما لحقنا نصوره إلا بعد ما عبر الطريق

وفي الختام لا نقول سنلتقي بكم مرة أخرى هنا بل وداعاً هع
توبة متعب متعب أكتب جي :/

السـ sola ـماء · منذ /18/3/1431 هـ, 08:48 م

ما شاء الله
لقطات رااائعه
بس وين المكان ؟؟

مكية وبس · منذ /18/3/1431 هـ, 08:58 م

وعليكم السلآم ورحمة الله وبركاتهـ,,

مغآمرة ممتعة الله يعيدهآ لكم ,,

وامطار خير وبركة يارب""

بصراحة مااقدر اقول لكِ إلا الحمدلله

على السلآمة خصوصاً بعد الكائنآت ،/،

خصوصاً هنا(وحده تلمح للزيارة....)

تحيآآآتــي لكِ

عاشقة البر · منذ /18/3/1431 هـ, 09:21 م

مغامرة ممتعة ورااااااااااائعة

وصور اروع

زين انك عوضتي اليومين

سُـقيَا · منذ /19/3/1431 هـ, 08:39 ص

..

وعليكم السلام ورحمة الله وبركاته
هلا فيج يالمجاهدة
ماشاء الله تبارك الله
صراحة تقرير روعة و مشوق
خصوصا لهاويات البر والـسيل أمثالي :/

العنوان شدني ..
بقول لج عاد
( خوافين ) بعذرهم والله
دا أنتو عملتو حاقه ماحصلتشِ ..سيكو

سبحان الله المناظر أعلاه تشرح الصدر
يارب ترزقنــا من فضلك ()

^

أمـا هذا الشيء .. لون آخرْ
أسرني بروعته
يا الله الجنة
.
.

ربي يحفظك
ويوسع صدرك بالعافية
والحمدلله على سلامتكم
:

أمي فداء روحي · منذ /19/3/1431 هـ, 08:50 ص

:::::::
تصوير رائع جزاك الله خير استمتعت بالرحله
:::::::

ضحكة ندى · منذ /19/3/1431 هـ, 09:54 ص

سبحان الله روووووعه يا عسل

كان مريتوني وخذتوني معكم ههههه والله لغامر واسبح بعد هههه

همسات إيمانية · منذ /19/3/1431 هـ, 03:12 م

السلام عليكم ورحمة الله وبركاته

يا الله مساء خير

أولاً : طهوراً إن شاء الله ( شارون ولا إنتِ )

ثانياً :

موضوعك شفته من البارح .. بس من القهر :/ خذت الدواء ونمت عشان ما أنقهر زود

أما الأجواء وش أقول ووش أحكي .. ما شاء الله على الخير والنعمة والبركة
صحيح إن الدنيا غرقانة لكن ربي لك الحمد ..
كم تسوى قومت الصبح والدنيا مغيمة والأرض رطبة ..
والماي بااارد .. والشوارع غرقانة .. أنواع التجاوزات
وكل السيارات البيضاء صايرة سوداء << متعقدة

ثالثاً :
أشوى أنك قررتي اداومين .. ( احمدوا ربكم عطوكم إجازة .. غيركم كرف كراف ) قال مدارس الغد قال :/

رابعاً : حبيت روحك المتفائلة هههههه

خامساً : الناسات هاذولي بعيد عنهم سد الطويين .. وإلا شفتيهم البارحة طبوا عليكم بالفسحة :/
، يؤ ليش الفسحة أجي بيتكم أقرب لي

سادساً :
نفس الفضول اللي جاك بالنسبة لذي الصورة جاني

سابعاً :

لما شفت هذه الصورة .. حسيت بشعور غريب .. جذبني لها بقووة وحبيتها

ثامناً وأخيراً وليس آخراً :

عفيه عليك .. تقرير ولا أروع .. وأجواء تفوق الوصف .. وتعليقات منعشة ..وما ننسى
تصويرك ماشاء الله تبارك الله ..
طلعتي أخطر عن المعلومات اللي عندي :/ ( الله يحفظك )

//\

بس آخر صورة .. كل يوم أشوفها عندنا بس قطيع قطيع .. وتلاقينهم يتعازمون من يعبر الشارع
أول .. دوم لما أشوفهم أنادي ولد أختي يشوفهم وأقول له : حمود شوف حصان :/ << ما أبيه
يتعلم اسمهم

تعالي أبيك بسر :
دام أم سامح أميرتكم فأبشروا كل يوم برحلة

وأخيراً .. سبحانك اللهم وبحمدك أشهد أن لا إله إلا أنت أستغفرك وأتوب إليك

المُجاهـدة · منذ /19/3/1431 هـ, 03:29 م

ودي أرد لكن عيوني بدت تحمر وتصيح بروحها :/ <<<< وقت غفوتي هع

بس من الفرحة إني صدت خطأ شنيييييع على معلومات بعض النااااس الي فوقي مباشرة

فقلت لاازم ارد هع

المشاركة الأساسية كتبها همسات إيمانية

تعالي أبيك بسر :
دام أم سامح أميرتكم فأبشروا كل يوم برحلة

زمان أم سامح ولى من سنتين :/
يلااا قومي اضربي الي عاطتنج هالمعلومة الخطأ :/

همسات إيمانية · منذ /19/3/1431 هـ, 03:34 م

هيييييييييييييييييين ياللي في بالي

بكره رايحة أكفخها .. بس تبين الصراحة هي كانت متشككة

لأنها انتقلت عنكم هالفلانة من سنة وإلا سنتين تقريباً

بعدين تعالي هنيه .. أنا لو أبي أقولك من أنا قلت لك

بس عاجبني فيلم المراوغة << أخاف بعدين أنتي اللي تكفخيني

المُجاهـدة · منذ /19/3/1431 هـ, 09:16 م

المشاركة الأساسية كتبها السـ sola ـماء

ما شاء الله
لقطات رااائعه
بس وين المكان ؟؟

يا هلا ؛

كروعة مروركِ ؛

المكان في الإمارات =)

المُجاهـدة · منذ /19/3/1431 هـ, 09:19 م

المشاركة الأساسية كتبها مكية وبس

وعليكم السلآم ورحمة الله وبركاتهـ,,

مغآمرة ممتعة الله يعيدهآ لكم ,,

وامطار خير وبركة يارب""

بصراحة مااقدر اقول لكِ إلا الحمدلله

على السلآمة خصوصاً بعد الكائنآت ،/،

خصوصاً هنا(وحده تلمح للزيارة....)

تحيآآآتــي لكِ

أهلاً ؛

الكائنات ما عليك منها لطيفة جداً :/

أفا عليكِ إنتِ تعالي عندنا وأنا أخذك لها بنفسي =)

ننتظر زيارتك

المُجاهـدة · منذ /19/3/1431 هـ, 09:21 م

المشاركة الأساسية كتبها عاشقة البر

مغامرة ممتعة ورااااااااااائعة
وصور اروع
زين انك عوضتي اليومين

أهلاً ؛

ايه مغامرة ولا أروع منها ؛
ليومك ونحن بالمدرسة نتكلم عنها،
وودنا بزيارة ثانية =) <<<< يا ويلي لو تسمعني المديرة

سعدت بمرورك..

~~قلم المشاعر~~ · منذ /19/3/1431 هـ, 09:22 م

من جد أنبسطت بصورك أحس كإني أنا معاكم استمتعت بمغامرتكم

فيه صور سبحان الله فيها ابداع الخالق لاإله إلا الله سبحان الله العظيم
جزيت خيرا اختاه ع صورك خليتنا نتعرف ع المكان

المُجاهـدة · منذ /19/3/1431 هـ, 09:47 م

المشاركة الأساسية كتبها سُـقيَا

..

وعليكم السلام ورحمة الله وبركاته
هلا فيج يالمجاهدة
ماشاء الله تبارك الله
صراحة تقرير روعة و مشوق
خصوصا لهاويات البر والـسيل أمثالي :/

أهلاً أهلاً بسقيا الخير =)

أفا عليج بس كل يوم راح أنزل تقرير عن رحلتنا في طريقنا للدوام <<< وأتأخر عن الدوام وتذبحني المديرة

المشاركة الأساسية كتبها سُـقيَا

العنوان شدني ..
بقول لج عاد
( خوافين ) بعذرهم والله
دا أنتو عملتو حاقه ماحصلتشِ ..سيكو

أبداً أبداً
من قال نحن عملنا شيء..!

شكلك طلعتي من القوم الخوافين

المشاركة الأساسية كتبها سُـقيَا

سبحان الله المناظر أعلاه تشرح الصدر
يارب ترزقنــا من فضلك ()

^

أمـا هذا الشيء .. لون آخرْ
أسرني بروعته
يا الله الجنة
.
.

ربي يحفظك
ويوسع صدرك بالعافية
والحمدلله على سلامتكم

:

ايه والله المناظر إنما إييييه ؛
ليومك أنا أتأملها..

ربي يعطيكم مثل ما عطانا

سرني وجودك هنا قدن قدن =)

أدوات الموضوع
عرض نسخة قابلة للطّباعة ارسال هذه الصفحة لصديق