الليــَـالُي آلخِّميسسَــيْهُ /~

احتِفـاء · منذ /16 Mar 2010, 10:23 PM

{ السلام عليكم ورحمة الله وبركاته }

\\

في كل يوم خميس ذلك اليوم الأسطوري لـ تجمع العايله ..

يبدأ في كل صبآح خميس مع صراخ الأطفال ..

حتى مساء ذلك اليوم تنتهي و النعاس يداعب عيون الاطفال ..

بين هذا الإزعاااج و هوآآآش ..

تتجمع 5 فتيات أو كما تلقبهم جدتهم بـ [ السآآآحرآآت ]

وهــنْ ~

حصيص ، ألطيف ، سوير ، أمنير ، نوير ..

مكونات شله وآحده ..

=========

نوير متحمسه

للمبارة المرتقبه بين فريقها و فريق حصيص ..

و تجهز المرمآيين [تحط فرديتين حذاء و المسافه الفاصله بينهم<~ هذا يكون المرمى ]

نوير وآمنيــر في الفريق الأول ..

القائد [نوير ]

الموقع : حارس هجوووم

..

اللاعبه : آمنيــر . . الموقع : دفآآع ..

الفريق الثاني ..

القائده : حصيص . . الموقع : حآرس

..

اللاعبتين :ألطيف و سوير . . الموقع : دفآع ..

السنتر لفريق نوير ]

و تبدأ المباراه ع بركة الله . .

تهجم نوير بـ الكوره و تتجه للمرمى فريق حصيص :

و تسدد كوره قذيييييفه . .

و المرمى مكتض [كل فريق حصيص فيه ]

و بس تقرب الكوره ..

صراخ : يمآآآآآآآآآآآآآآآآآآآآآآآآآآآآآآآآآآآآآآآآآآآآآآآ هـ

. .

كل وحده تترك المرمى و تهرب في أقرب مكان بعيداً عن الكوره

ثم يترك المرمى خاليُ ><"

و تتدخل الكوووووره في المرمى بكل أريحيه . .

و قوووووووووووووووووول !!

و تصارخ نوير : قوووول جبت قوووول . .

الفريق الثاني . .معنوياته منخفضه

. .

و تقول القائده [حصيص] بنطلع من اللعبه مانبي نلعب

. . تبين تلعبين لعبي لحالك << تكلم نوير . .

نوير : لآآآآآآ تكفوون لعبو الله يخليكم . . أخليكم تجيبون قووووول . .

فوز بدون طعم

................

موآقف كثير تزدحم بها الذاكره ..

تحكي قصص و مغامرات طفولـيه في كل خميس ..

هذآ ما في جعبتي الأن ..

أترقب ما لديكم من موآقف ..

أخواتكن : السآآآحرآآت

..

وردة وفا · منذ /16 Mar 2010, 10:53 PM

رااااااااااائع موضوعك غاليتي ((وتوقيعك اروع))

دمتي بود

نبض الأندلس · منذ /16 Mar 2010, 11:14 PM

::
و عليكم السلام روحمـة الله وبركاته
حيَّ الله الغاليـة
راااائع الموضوع يا رااااقيـة
كروعتكِ يا حبيبـة
.
عنوان رااائع
الليالي الخمسسيـة
اشكثر أحبها هالليالي .. أحلى ليالي
يوم نكون فـ بيت قوم يدي نجتمع نحن أربع بنوتات
نسولف و نضحك ويبدأ هبل البنوتات باللعب و المصخرة
نتبادل الأسرار و يا بعض .. ترى نحن الأربع ما نخبي شي على بعض
.
أحلى المواقف
يوم يدق جرس الساعة .. الساعـ 11 ليلاً
تلقين الكل متيمع جدام التلفزيون
صغار و كبار ... متوزعين في كل أنحاء الصالة
تلقى اليهال واايد منسدحين يطالعون باستمتاع >> منظررهم كششخة
شوي و يدخلون داخله
عيونهم مبققـه
الكـل يبغى يشوووف دمووووع التماسيح
،
بدا المسلسل
الكل يقرا .. للفرح دموع ، وللحزن دموع ..
الكل سكووووووووت
ما في لا حس و لا خبر يتسمعون النشيدة
إلا طبعاً جدتي تيلس تعلق
" و الله لو إنه درس ديني تشوفونه مب أحسن من هالخرابيط مالتكم ..... "
الكل يتابع .. و إذا يت لقطة حماسية
الكل يقول .. لااااااااااااا
.
انتهى المسلسل عند لقطة حاسمة
نقوم و الكل يقول : " ياا ربي بنيلس نتريا لين الأربعاء الياي الله يعين .."
و يدتي وسؤالها المتكرر : " خبروني الحين شو اللي استقادتوه من اللي شفتوه ..."
وعقب خلاص ينتهي اليوم
والكل يتزهب عشان يروح بيته
.
هذا أحد المواقف اللي تصير في بالخميس
وإن شاء الله ما أكون طولت عليكم
نتريا مواقف الآخرين
مشكوووورة م . قلب أمي العسـل
ربي ما يحرمنا منج
.
وفقنا الله لما يحب ويرضى
::

هني الطيار · منذ /17 Mar 2010, 02:05 AM

طرحك رائع
الليالي الخمسسسية

واي كنا نتجمع عن جدتي نقولها امي الكبيرة
أول مانوصل تكون أمي الكبيرة حاطة بمخباتها حلويات وغيره
توزع علينا
ونكون فرحانيين بنات العم والعمة
ياحليل ذيك الأيام
يتجمعوا النسوان ونسمع سوالفهم بصوت منخفض وتتوالا الضحكات
نطلع السطوح
نلعب لعبة الغميمه ونتسابق
ينادونا على العشاء ننزل
نتعشى
ونكمل للساعة ثنتين
الكبار يواصلون وحنا ننام
نفضل لعند أمي لليوم الثاني العصر وكل واحد يروح بيته

احتِفـاء · منذ /17 Mar 2010, 05:06 PM

وردة وفا /

الأروع مرورك ياقلبي "^^

نبض الأندلس /

هههههههههه نفس حالنا ..
الخميس الماضي كنا متحمسين ونصارخ وفوق كذا السلك إلي يوصل للرسيفر خربان ..
يفصل ثم نعدله ويرجع

وإذا مر أحد من جنبه نجلس نصرخ : منآآآآآآآآآآآآآك لا يخترب

سعدت كثيراً بمرورك ياقلبي ..

هني الطيار /

"^^ أقولك شيء بس سر لا تعلمين أحد :
<حنا للحين نروح لجدتي وننتظر حلوياتها ..

ولياليكم سيم سيم ليالينا ..

أنرتي متصفحي ..

جزيتم الجنان يا أحبه

نبض الأندلس · منذ /17 Mar 2010, 06:18 PM

::
و إياكِ يا غاليـة
نحن أسعـد بهكذا موضوع
لا عدمناكِ
.
وبالنسبـة لحلويات الجـدة
حتى نحن لين الحين يدو كل ما نييب شي مصاص حلويات
و هاي الخرابيط و هي مع انها ما تاكل بس ما توفر
تاخذ و تخش حق اليهال خاصة بنت خال ي الصغيرونـة
كله تصيح تبغى نص ( قصدا نص درهم)
يدتي تزقرا تعالي اخذي هذا مصاص ، لبان ، حلويات أي شي متوفر
بس نحن خلاص كبرنا يعيني ماشي بس حق اليهال
بس إذا بغيت لبان أسير عندا : يدو أبغى لبان ، تعطيني و توزع بعد
.
أما نحن الأربع اللي( ما نفترق ) و أحياناً خامسـة ترز ويها امبينا
إذا كان عندنا بيزات (فلوس) مثلاً وحدة خاشتنهم حق يوم الخميس
أو فجأة تهف على وحدة الفكـرة الخطنطر نسير نترجا أي حد يعطينا بيزات عشان نشتري (هذايوم ما يكون عندنا)
نسير و نترجا ولد خالي الصغيرون : واللي يسلمك سير اشتريلنا
ولأنا ما يفهم يعني نطرشه ع الدكان عدة مرات بالتقسيط ههه
أول شي اشتري شبسات
عقب نطرشه حق العصيرات
عقب كاكاو
وهكذا لين يكمل كل اللي نبغاه >> ع فكره كل ها والمسيكين ما يحصل منا شي (بخل الله المستعان هههه )
و عقب نخش عمارنا عن يشوفونا اليهال
و نتيمع سوالف و هبل ويا الشبسات و العصيرات الكاكاو
و أحياناً تحصلين وحدة من خالاتي فجأة داشة علينا : شو تسون ياللأيمات تاكلن أنا أراويكن
أحياناً ياكلن ويانا وأحيانا يهدونا
ترى ذكرتوني بخش عشر حق باجر الخميس خخخخخخخ
.
وااااو وناسة كشششخة باجر الخميس
حمستوني خخخخ
ان شاء الله تعيبكم المواقف
.
ربي يوفقكم
::

فاتحة · منذ /17 Mar 2010, 06:27 PM

ياي ليتني معاكم
:/
برجع إن شاء الله

الامبرطوره · منذ /17 Mar 2010, 09:27 PM

و عليكم السلام روحمـة الله وبركاته
جميل الموضوع
الليالي الخمسسيـة عنوان راائع
مشكورة م . قلب أمي
ربي يوفقكم ويسعدكم

احتِفـاء · منذ /19 Mar 2010, 12:47 PM

نبض الأندلس /

لياليكم تشبه ليالينا كثيييير "^^
وه بس كل يوم تعالي ق1

فتوحه (بنت أختي) /

أنتظرك يا عسل ..

الامبرطوره /

العفو ياقلبي ..
وياك حبوبة ..
بس أنتظر لياليكم ياحلوة ..

نبض الأندلس · منذ /19 Mar 2010, 03:27 PM

::
هلا قلبووو الحمد لله عيل عيبتكم
بخبركم أمس شو كانت ليالينا
.
طبعاً بما إنه كان يوم الأربعاء آخـر حلقـة من دموع التماسيح
أكيد بيكون يوم الخميس محور الحديث كله عنه
وشو اللي استوى في الحلقـة
خالتي تقول و الله ما بنخلص من هالقصـة
أختي قالتلا :اكيـد ما بنخلص لين ايي مسلسل ثاني خخخ
.
ومن الصوب الثاني
الكل يتمشى في البيت ويقول " حصيحة تراني أفكـر فيك "
محد سكت حتى اليهال خخ
نحن الأربع اللي ما نفترق >> شكلنا بنلقب اعمارنا جذا هههه
واقفين في المطبخ نسوي شاي و قهوة ويا خالتي
وننشد "" حصيحصة تراني أفكـر فيك " و الثانييـة تي "" يا ربي تزوج كل الشباب .."
جان تقول امي " ها بس اللي هامكـن يالبنات طاري الزواج خخخخ "
.
وطبعاً الكل سنتر مجابل التلفزيومن يوم اللقاء الخاص
وهيه صح بالنسبـة للعشـر
محد طاع يشتريلنا >> مسكينات احليلنا نغمض و الله
ترجينا كل الأولاد بس محد طاع قلنا خلاص بنخشها حق الأسبوع الياي
و الله يعين
.
أدري إني أزعجتكم ويا ليايلنا بس ان شاء الله تعيبكم
عاد انا شكلي كل ليالينا بيي أقولا اهنا
.
قلبوووو حبوبـة ربي ما يحرمنا منج ومن ابداعاتج
::

احتِفـاء · منذ /20 Mar 2010, 08:36 AM

التعريف بالشخصيات :

أولاً : حزب المغامرات والخبآآآآآآآل..

حصيص : العقل المدبر للشله ..
ألطيف : الدلوعة و......... << تخاف من الصراصير.
سوير : مسوية فيها ثقل وعقل < وهو مابوه شيء.

ثانياً : الحزب البرائة ..

أمنير ( أخت حصيص ) : الهادئة تسرح بخيالها .
نوير ( أخت سوير ) : فيها طاقات كامنة زائدة ولاعبة كورة قدم .

يوم الخميس ماذا يعني للحزبين وباقي العائلة ؟.
يوم تجمع العائلة وبداية مغامرات الحزبين .. يتجمعون من الصباح في بيت الجدة إلى الليل ..
1 ..}
ذاك اليوم كانوا متجمعين الكل فالكل يعني العائلة الكريمة كلها !!
وفي الليل قررت أسرة ( ألطيف ) و أسرة ( حصيص و أمنير ) أنهم ينامون بيت الجدة ..
وكانوا يبغون يكملون طاقم الشلتين فقامت " ألطيف " بحركة ماكره نفذتها ع الفور ..
ألطيف : سمعوا ترا أنا شفت كونان الحلقة الأخييييييييرة !!
البنات : صآآآآآآآآآآدق ؟؟ أمآآآآآآآآآآنة عاااااااااد .. وش صااااار ؟؟..
ألطيف : بكره بيعيدونه بيجي الساعة 3 الفجر في الإمارات !! وبما أن تلفزيونهم مافيه إلاالقناة الأولى ..
ومايشوفون كونان إلا في بيت الجدة هع !!
فما صدقوا ( سوير ونوير ) خبر وجلسوا يحنون ع أهلهم بس مارضوا أهلهم وجلسوا يصيحون عند أهلهم ..
وقال ابوهم : بكره أجيبك من الصبح ..
وفرحوا وراحوا البيت .. .. .. .. ......!
ولما جاء اليوم الثاني قاموا من صباح الله خير ..
وقالوا لأبوهم : أبووووووووووي يلا عاااااااد قوووووووم الساعة
6 !!
وتجهزوا وجاو لبيت الجدة ..
ولما وصلوا جلسوا يرنوووووووووووون يرنووووووون الجرس ..
طنننننننن طننننننننننن طنننننننن طنننننننننننن
الساعة الآن تشير إلى الساعة 6:00 بتوقيت جرينتش بيت جدتي
وفتحت أم ( ألطيف ) الباب وعيونها نص + ربع مسكره ..
وقالت لهم أم ( لطيف ) أن البنات نايمين تعالوا أدخلوا بشوييييش ..
ودخلتهم الغرفة وكل الشعب نايم !!
وأنسدحتوا ...................... وناموا !

ولا شافوا كونان ولا بطيخ ض1

* علماً أن الأسماء ليست حقيقية ياحلوين كل وحده حاطين لها أسم غير ^^

نبض الأندلس · منذ /20 Mar 2010, 03:11 PM

::
هلا قلبوووو
هههههه حليلهن رقدن
زين أحسن شي النوم أحسن عن كونان وهاي الخرابيط ههه خخخ
(تصدقين قلبوو انا حبيت هالموضوع واايد أول ما احدر المنتدى على طول سيدا على الليالي الخمسسيـة خخخ)
.
نحن عندنا يوم الخميس دوام يعني في مدرسـة
ونحن رادين في السيارة أقول : امايـة متى بنسير بيت قوم يدي
أحياناً نروح من المدرسـة على طول
وأحياناً نرد البيت نبدل و عقب نسير
طبعاً و إذا حضرتي تلبست و خلصت ولين ألحين ما خلصوا هم
تبدأ نوبـة الصراخ :يلا خلصوا الحين بيأذن العصـر و لين الحين ما وصلنا بيت يدي >>لازم قبل العصر خخ
لا وإذا وصلنا عندم وشفت وحدة من خالاتي واصلـة قبلنا
أقول حق أمي : شفتي كلهم واصلين إلا نحن لأنه متأخرين >> و أمي تقول الحمد لله و الشكـر خخ
طبعاً مع تعب المدرسـة حضرة جنابي أيلس أقاوم النعاس اللي تارس عيويني
ما احب تضيع علي أي لقطة من لقطات يوم الخميس >> حشا تقول مسلسل دموع التماسيح خخخخ
بسس أحياناً نتفق احنا الأرعب اللي ما نفترق>>عيبني اللقب خخ
إنه نرقد عقب انش نكمل يومنا
مثلاً هذاك الخميس يينا نرقد طبعاً اختي رقدت قبلنا
تمينا نحن الباقيين (3 بنات) تغدينا عقب سرنا نرقد
لكن خالتي يت ويوم دشت الحجرة و حصلتنا راقدين
يلست تصارخ : ما شاء الله راقدات زين قومن قومن أنا ييت محد يرقد
و تخوز عنا الحافات
اضطرينا نقوم و لا رقدنا ولا شي (وجـه حزين)
وتمينا لين الوحدة بالليل
تخيلي من الساعة سبع الصبح لين الساعة وحدة
والله العالم متى راقدين الليلة اللي قبلا
.
وانتظروني بمواقف أخرى
وفقنا الله لما يحب ويرضى
::

طموح انثى · منذ /20 Mar 2010, 04:29 PM

قلب الماما خخخخخخخ
احلى شئ الحلقة الاخيره من كونان
نذااااااله على اصولها
نبوضه ..
طرى حوماس لياليكم
لي عودة للياليا..< صح تنقال كدا!

نبض الأندلس · منذ /22 Mar 2010, 09:30 PM

::
طموح أنثـى ..
ننتظر عيل لياليكِ الحماسيـة
::

احتِفـاء · منذ /22 Mar 2010, 09:48 PM

نبض الأندلس /

لو مكانك طنشت ورحت نمت ..
ماأجلس إلى هالوقت ..
ولياليكم الخميسية فلللللله ..
بجي عندكم الخميس الجاي ..

طموحه /

أنتظرك بشوق ياحلوة ..

أدوات الموضوع
عرض نسخة قابلة للطّباعة ارسال هذه الصفحة لصديق