...غرفة نوم شاب قبل وبعد التعديل...

قدوتي المصطفى · منذ /01 Aug 2010, 12:34 AM

اللهم أرحم المؤمنين والمؤمنات والمسلمين والمسلمات الأحياء منهم والأموات

.

أسعد الله صباحكم ومسائكم ( كلن بوقته )

اول مره أتجرأ وافكر اسوي موضوع
حتى ان بعض الصور الي بتشوفونها كنت بنزلها من ضمن صور بموضوعي الجديد
يعني ماكنت ناوي اسويه موضوع وانزله عندكم لني حاس انه عادي أولأني ولد
بس جتني بعض الطلبات والشرهات إني أنزل الموضوع عندكم

الموضوع من بدايته ماكان ع البال اني أغير شي بالغرفه لأن مخططين بعد الصيف ان شاء الله
يكون في ترميم كامل للبيت من الداخل .. ومع العطاله الي مسببه لي وقت فراغ كبير جتني فكره
إني أغير وأعدل غرفتي بشي بسيط وغير مكلف وإذا غيرنا
وماجازت لي راح تتغير بشي احلى بعد الصيف .. لن كل شي سويته بالغرفه بيدي ومن افكاري

دورت لكم صور للغرفه قبل بالقوه لقيت هذي

نبدأ الحين بحوستي فيها

بدايه الموضوع طلعت كل شي وسحبت الدولاب والسرير بنص الغرفه والتي في معهم
ماقويت اخرجهم

جبت أغراض البويه سطل بويه أخضر فاتح وسطل بويه اسود وسطل بويه بيج خفيف
اخترت الالوان عشوائيه اللون الأخضر احبه والاسود حبيت ادخله بالغرفه لنه يعطي فخامه
وشطرطون ( لزق ) وباقي الشله << ماعرفت إسمها
ملاحظه : البويه يسمونها بوية بلاستك ميزتها مالها ريحه وتنشف خلال 3 ساعات
كل الي تشوفونه بالصوره ماخذها بـ ( 200 ريال )
اللون الاخضر ( 50 ريال ) اللون البيج ( 50 ريال ) اللون الاسود ( 60 ريال )
وباقي الاشياء ( 40 ريال )

!!
محروستكم الست لمار وقفة معي وقفه ما انساها وساعدتني طول اليوم
الصورة دعايه بس ولا وقفتها معي بالسواليف وسعة الصدر

بدايتها جلست العب ويوم حسيت اني توهقت اشتغلت صح

التي في شغال دامنا نشتغل بالجدار البعيد .. طبعا كانت الفكره جدارين باللون الاخضر الفاتح
وجدارين اسوي فيهم خطوط طوليه بالألوان الثلاثه .. اخضر وبيج واسود
كل سطل تضيف عليه علبة مويه ( ابو نص ريال )

بكل جدار بصمه

خلصنا منه وانتهى الدلع والحين بدأ الجد

سويت نفسي مثل المعلمين وشلت الدريشه ونسيت اغطيها
والناموس دخل وبهذلني بعدين سكرنا عليه يحلفون اني ماخذت جرايد الاسبوع الي راح كله خخخ

بدينا بالجد
بدايتها كانت فله وسعه صدر بعد ماخلصت الجدارين الي باللون الاخضر
بديت بالجدارين الباقيه والي عليها الكلام والتعب
مع الوقت بدأت اللخبطه والبويه لماتخرب وتخش من تحت اللزق
خاصه اللون الاسود لنه ثقيل
وصرت اشتغل بالفرشه الصغيره لما يصر لي مشكله
واللزق مافكه الا لما ينشف العمود بعدين اضرب العمود الي جنبه

مدري عاد بتفهموا شلون كنت اشتغل الخطوط كانت عشوائيه وحاولت اني ما أكثر اللون الاسود وعطيه عمود كبير عشان لايكثر ويصير كئيب

نلعب

بدينا باللون القلق الاسود تعبني مره بصراحه .. راح تشوفونه بالاخير لما اكتمل الجدار

شوفوا كيف كئيب

خلصت الجدار الأول ويوم جيت للجدار الثاني وانا ماعاد فيني حيل
فكرت وجت ببالي فكره اسهل وأحلى وقلت مادام الجدار هذا فيه بيكون التي في + ان فيه جهة الباب
مايحتاج اسويه مثل الي مقابله وفكرته اسوي من اليمين 3 أعمده طالعه من تحت
ومن اليسار 3 أعمده نازله من فوق

كذا بس لسى ماكملت راح تشوفون وش سويت

هذا الجدار الأول بعد ما اكتمل وحطيت السرير ورجعت الدولاب

وهذا الجدار الي فكرته جت بالوقت الضائع بس ماطلع خساره هنا بعد ما اكتمل

كذا تقريباً خلصنا وكل شي بالنسبه للبويه طبعاً في شي مدري إنتبهتوا له ولا لا
الدولاب والسرير كان فيهم لون اخضر غامق ضربته بويه سودا
والي عليه التي في بعد ضربته بويه ( كان رفوف للكتب ) ولونه بيج نفس لون الدولاب
طبعاً شريت فرشه للأرضيه( 250 ريال )
وإضاءات من ايكيا ( 130 ريال )
2 بالسقف ووحده قاعده بالارض ولوحات لزوم الاعمده الي سويتها ( 100 ريال )
والستاره الي للحين مو مقتنع فيها كلفني العازل ( 100 ريال )
والستاره الخيوط ( 60 ريال )

هذي نهاية شغلي بغرفتي والشغل أخذ من وقتي يوم واحد بس
حتى شوفوا اللوحه الي جنب المكيف طبعت إيدي بالبويه الخضرا والاسود على لوحة قماش
وحتى الجره ضربناها بويه لو مامسكوني اهلي ضربت نفسي بويه
وكل الي كلفني بتعديل الغرفه ( 850 ريال فقط ) + شغل إيدي
ما أخفي عليكم يمكن ماتميزت ببعض التفاصيل الي تكون لازم متوفره بغرفه النوم
بس إنتوا عارفين ألزم ماعلى الولد فراشه وراحته والغرفه صغيره !!
والي سويته مجرد تغيير جو وتضييع وقت وبنفس الوقت توفير فلوس
وحبيت يكون كل شي بيدي وبتفكيري << ذليتهم بذا الشي

ماشاء الله تبارك الله يا الله ياشباب الهمه وضفوا خلاقينكم مانبيكم تكومونها وتعالوا يابنات شيلوها

هذا اللي نبيه ,,والبويات والتعديل شي راجع لكم ..فديييتكم

ظـ القمر ـل · منذ /01 Aug 2010, 12:56 AM

الاااه صراحه روعه ... تسلمي

ملاك الود · منذ /01 Aug 2010, 01:01 AM

روووووعــه ~

إبدآع ماشاء الله ...

يسلمووو !ّ

أتمنى رضاه · منذ /01 Aug 2010, 01:27 AM

ماشااااااااااااااااااء الله تبارك الله ابداااااااااااااع الله يقوينا ونسوي مثلك

رماد الاندلس · منذ /01 Aug 2010, 01:36 AM

ماشاء الله عليك

اسير الليالي · منذ /01 Aug 2010, 10:38 AM

مررررة نايس
جزيتي خيرا اخيتي على الموضوع الاكثر من رائع

جيتكـ لتـرضى · منذ /01 Aug 2010, 11:36 AM

هب ياوجهه وبعدين خالد مايصير تدش بمنتدى بنات ممكن تطلع من غير مطرود ^_^ >>>> وين المشرفات عنك هع هع
بس تسلم ايدينك والله شي ومخ مشالله عليك
تقبل انصرافي هع ...

البسـمة · منذ /01 Aug 2010, 02:38 PM

بارك الله فيك اخيتي

هني العسل · منذ /01 Aug 2010, 03:38 PM

روعة كروعتك يالغلا
وفقك الله لما يحب ويرضى
لا عدمناكـِ
تقبلي مروري
هناء

بسـ الصباـمات · منذ /01 Aug 2010, 03:58 PM

عمل راااااااائع
أبداااااااااع
شكرا لك أخيه

انفاسي · منذ /01 Aug 2010, 04:06 PM

بجد روعة مثلك

وحيده في عالمي · منذ /01 Aug 2010, 04:15 PM

رووعه

ابداااع ماشاء الله

بارك الله فيك

غصووون · منذ /02 Aug 2010, 08:07 PM

إبــدآع
يسلمووو

وهج المدينة · منذ /02 Aug 2010, 08:32 PM

رووووووووووووووووووعه
يعطيكي العافيه

عيون ساجده · منذ /02 Aug 2010, 08:43 PM

بارك الله فيك

مواضيع مشابهة
الموضوع	الكاتب	المنتدى	الردود	آخر مشاركة
غرفة سباحة ام غرفة نوم	الأمووووورة	~ لمسات عالمك الخاص ~	8	08 May 2007 03:53 PM

أدوات الموضوع
عرض نسخة قابلة للطّباعة ارسال هذه الصفحة لصديق