تخصصي ؟؟

فلسفه · منذ /05 Oct 2011, 03:34 PM

السلام عليكم ورحمة الله وبركاته ..
أنا طالبة بالثالث ثانوي – علمي- نسبتي العام 99% والحمد لله .أحب المواد العلمية جدا .. وودي أتخصص بإحداهن بالمستقبل .
عندي مواصفات للوظيفة المثالية بالنسبة لي بس للأسف ما اعرف وش التخصص اللي ينسب هذا الميول والرغبات ..ودي أقولكم ميولي ورغباتي وأبي منكم تساعدونني باختيار التخصص الأنسب لي .
أولا : يكون بالمواد العلمية وأغلبه عملي كل الوقت بالمختبر إذا ما كان كله .راتب ما يقل عن 10 الألف ريال ادرس بالقصيم و أتوظف فيها
ثانيا: ما يكون فيه اختلاط مباشر بالرجال ولا لي علاقة بالمرضى يعني يكون شغلي بين مواد وعينات ومركبات ولا لي علاقة إلا بالمرض يعني ما يصير عيادات أو تمريض
ثالثا: دوامه يناسب كون أمكن أصير أم ومربية أطفال يعني دوام صباحي فتره حده وما يكون دراسته طويلة مره مره مثل الطب ..
أنا باختصار أريد أدخل المختبر من الصبح إلى الظهر كل يوم..
# لأن ودي على سبيل المثال أمسكك مرض البرص وأقعد كل يوم على هذا المرض أسوي تجارب و أبحاث على الشرائح والعينات المصابة بهذا المرض إلى أن أتوصل إلى أسباب هذا المرض وطرق علاجه ومالي دخل بالمصابين أو المرضى .
# عشان كذا قالوا لي أدخلي صيدلة لكن- مع احترامي- اللي أعرفه عن الصيدلة أنه زي شغل البياعين أو فقط أقري الوصف الموصوفة للمريض و تسوينة وتعطينه للمريض بس كذا يعني ما فيه تجارب أو أبحاث وقالوا بعد أنه (أنه أصعب من الطب ومهنته وراتبه ومستقبله أسوء من الطب ) يقولون تعب على الفاضي مصيرك بياعة ..إذا كان الصيدلة صح كذا (سوي التركيبة وعطية المريض)أو لا ..
فهل مجال الصيدلة يناسب مواصفاتي وميولي .. إذا كان نعم تطلع الصيدلة باحثة وعالمة فكيف يعني مثلا أصير شاطرة بالجامعة وأقدم على ماجستير أو أقدم على شركة أو مركز أبحاث أدوية ولا أيش ولا كيف أصير باحثة وإذا كان –لا- فما هو المجال المناسب لمواصفاتي ..
لا تبخلون علي أكيد مرت عليكم نفس حالتي .. الله يعافيكم .

* وآثقة الخطى * · منذ /05 Oct 2011, 03:59 PM

الله يكوون بعونك وانا بعد ثالث ثانوي ,,

ربي ييسر امووورك ..

وانا مالي خبره بهالامووور ,,,

اللي اقدددر اقووله لكـ
صلي الاستخاااااااااره قبل كل امر تدخلينه ,,,

ودعواتي ترافقك ي حبي ,,

إبتهال الفجر ْ · منذ /05 Oct 2011, 07:05 PM

السلام عليكم ورحمة الله وبركآته ,

ماشاءءالله نسبتك حلوه ,
بالنسبة للتخصص جمميييل جدآ ودراسته ممتعه من كلام الاخوات اللي داخلينه
اما قضية إنك تبيعين وكذا وبس لا يختشي :( فاهمه غللط
الا بالعكس أنتي تجلسين تسوين الدواء بنفسك وعندك خبرآت آكثر من الدكاتره المتخصصين نفسهم
والابحاث بكل التخصصات تقدرين تسوينها لكن شوفي تخصصك وايش نوع الابحاث اللي تناسبه
اللي اعرفه بعد مافيه احتكاك مباشر بالرجال , فقط اثناء الدراسة والتطبيق حسب الكلية
وبعد الدراسة ممكن تتوظفين فالوحدة الصحية المدرسية أو المستوصفات النسائية وووغيرهآ ...

انا لو وافق زوجي راح ادخله بدون تردد , لكن لعل وعسى يوافق ..

ديمة مطر · منذ /05 Oct 2011, 07:38 PM

و عليكم الســـلام و رحمة الله و بركاته .
قسم الصيدلة قسم له طموحاته و رائع ! و أقسامه : العقاقير، الصيدلة الإكلينيكية،
الكيمياء الصيدلية، قسم الصيدلانيات ،علم الأدوية و السموم .
:
بصراحة لا أعرف عنه الكثير لكن أحببت أن أخبرك بما علمت عنه ، و بالأخير لا تنسي صلاة الاستخارة
و الله يوفقك لما يحبه و يرضــــاه .

الاقصى تنادينا · منذ /06 Oct 2011, 07:38 PM

الله يوفقك اختي بالنسبه لصيدله تقدرين تكملين ماجستير وسنوات دراسته اقل من الطب له مجالات توضيف غير انك تبيعين ادويه
هذا الي اعرفه عن هالقسم
ممكن تدخلين مختبرآت طبيه حلو ودامهم من 7الى 4العصر وله مجالات كثيييره واعرف وحده من 7 الى 2في الطوآرىء على حسب المستشفى طبعا وهو اقلللل بكثيير من الطب من ناحية الاختلاط فيه بعض المستشفيات يكون قسم خاص للتحليل مافيه رجال يكون للنساء مايكون فيه اختلاط مرا ممتع عينات واجهزه مالك علاقه بالمرضى

آمالي محت آلامي · منذ /06 Oct 2011, 08:48 PM

أسأل الله لكِ التوفيق والنجاح ، يارب

وفيه قسم على ما اعتقد يخص المختبرات وهالاشياء ابحثي والله يوفقك يارب ..

مواضيع مشابهة
الموضوع	الكاتب	المنتدى	الردود	آخر مشاركة
ابي استشريكم بخصوص تخصصي	الجنة غاايتي	•• ربيع العمـــــر ~❥	11	28 Jul 2011 02:24 AM
~ في عالم الجامعات .. اخترتُ تخصصي ولكن [ .. ] ! ~	إشـراق	•• ربيع العمـــــر ~❥	28	06 Nov 2010 05:18 AM

أدوات الموضوع
عرض نسخة قابلة للطّباعة ارسال هذه الصفحة لصديق