كيف أعمل توزيعات ولادة ؟

الفقيرة إلى الله · منذ /10-1-1433 هـ, 08:04 م

السلام عليكم ورحمة الله وبركاته
كيف حالكم أخواتي الحبيبات .. عساكم بخير وسحة وسعادة

اممممم .. اممممم <<< مسوية مستحية هع هع

هذا الله يسلمكم زوجة أخوي بتولد قريب إن شاء الله وأبشركم ولد هع

و ودي أعمل توزيعات بهالمناسبة .. شغل يد يعني ما أبي جاهز من السوق فـ أبي رايكم واقتراحاتكم وتجاربكم في التوزيعات لأني ولا مرة في حياتي سويت توزيعات

يعني أبي أفكار و طرق بسيطة و حلوة و سهلة .. يعني وش أحتاج من ورق وشرايط وغيره ؟ وش أحط في التوزيعات ؟ وكيف الطريقة ؟ يعني سمو لي الأدوات و وين ألقاها بمكتبات مثلاُ والا وين بالضبط ؟

ودي أشتري هالأغراض وأجهز نفسي من ألحين .. لأن الدكتورة حاطة لها موعد ولادة بعد ثلاثين يوم تقريباً واحتمال تولد قبل هالموعد لأنها بدت تمشي من ثلاث أيام فاحتمال تولد مبجر

وآنه خلال الأسبوعين الجايين عندي إختبارات فـ ودي ع الأقل أعرف وش الأدوات اللي أحتاجها وطريقة الصنع

علشان لا خلصت إختباراتي ما أقعد أفرفر بالأسواق و لا عندي خطة معينة ويضيع وقتي مباشرة أروح للسوق وأقول لهم أبي كذا وأبي كذا وأشتغل عليهم بسرعة

و لكم جزيل الشكر مقدماً

ام ورود · منذ /12-1-1433 هـ, 02:58 ص

وعليكم السلام ورحمة الله وبركاته
مبروووك مقدماً وماعندي خلفية عن آلموضوع
مـــاحبيت أطلــــع بدون رد
إن شـــاء الله البنـــات يساعدونك ويفيدونك يالغــــلآآآآ

عصفورة ينبع · منذ /12-1-1433 هـ, 03:43 ص

:

ياعسل تبغي توزيعات للأطفال أو المعازيم

وإن شاء الله نقدر نساعد

:

[CENTER]

[/CENTER

الفقيرة إلى الله · منذ /12-1-1433 هـ, 01:28 م

السلام عليكم ورحمة الله وبركاته

ألحين زوجة أخوي راحت المستشفى بيشوفون عندها ولادة أو لاء

لأن توها ألحين جتها شوية آلام بسيطة .. يا رب ما تولد الحين ما جهزت عمري هع

أم ورود

تسلمين حبيبتي .. أهم شي انج اهتميتي

عصفورة ينبع

إذا ممكن أطفال و معازيم بس أهم شي معازيم

جزاكم الله خير وبارك الله فيكم

كيان أنثى.. · منذ /12-1-1433 هـ, 02:21 م

انشاااااااااء الله
رااح اقدر اساااااعدك
دقااايق بس وانا رااااجعه انشاااااء الله
**********************
الفكره بالمرررره عجبتني وهي سهله جداً لعمل توزيعات هدايا المواليد
بقمااش الجوووخ اتمنى تعجبكم

اتمنى اني اكون افدتك
تقبلي مروووري يالغلا

مميزة بذوقي · منذ /14-1-1433 هـ, 12:25 ص

الله يسهلها يارب ويقومها بالسلامة

دمتي بحفظ الرحمن

الفقيرة إلى الله · منذ /14-1-1433 هـ, 05:24 م

السلام عليكم ورحمة الله وبركاته

ألبوم الذكريات + مميزة بذوقي

مشكورات جزيل الشكر

بس مثل ما قلت لكم .. آنه بحياتي ماجهزتهم ولا اشتغلت فيهم

فـ أبي أعرف وش اللي أحتاجه من أدوات و طريقة الشغل

الفكرة الأولى حقة ملابس الأطفال حلوة بس يبي لها شغل وخياطة

و آنه حالياً مشغولة بإختباراتي

فدى الحلوين · منذ /14-1-1433 هـ, 06:46 م

لاتكلفي على نفسك لانه الناس حيرموا هدي التوزيعات

لكن اشتري شوكلاته ووزعيها عليهم

عيون امي · منذ /17-1-1433 هـ, 06:37 م

الله يعينك ويساعدك انا اشوف انك تروحي ابو ريالين تلاقي توزيعات حلوه حقت مواليد ضعيها في سله وزينيها وسلامتكم اتمنى الفكره عجبتك

الفقيرة إلى الله · منذ /17-1-1433 هـ, 07:00 م

السلام عليكم ورحمة الله وبركاته

اليوم آخر موعد لمتابعة الحمل لها

وقالت لها الدكتورة إنها دخلت بالتاسع

من أسبوع أو أقل من أسبوع وإن راس الطفل تحت

يعني ممكن إنها تولد بأي لحظة .. يا لهوي هع

يعني ممكن والله أعلم تولد بنص التاسع

مو شرط تخلص الشهر كامل .. يعني مابقى وقت

وآنه ماجهزت ولا شي حتى دورت أفكار في النت

مافي .. كل جاهز أو أفكار مب حلوة صراحة

إذا ممكن ما أبي التوزيعات في علب لأنها

راح تنقط = تنكب مثل ما قالت فدى الحلوين

زوجة أخوي الثانية سألت في السوق إلا طلع وايد غالي

إذا أشتريها جاهزة أرخص شي 20 حبة بـ 20 دينار

يعني 200 ريال و مافيها إلا حبة حلاوة وحدة

يا عمي طيروا .. آنه متأكدة إذا جمعت أغراضها بنفسي

واشتغلت فيهم بنفسي ما بيكلفني وايد

شكلي بسوي مثل ما قالت عيون امي .. بروح محل 200 فلس خخخخ

الفقيرة إلى الله · منذ /6-2-1433 هـ, 09:00 م

السلام عليكم ورحمة الله وبركاته

ها وين الناس .. قربت ولادتها وآنه ماجهزت شي

توزيعات أطفال مو مهم أهم شي توزيعات معازيم

لقيت في النت أشياء حلوة مادري ألقاها في السوق والا لاء

مثل رضعات صغيرة أو عربات أطفال صغيرة تنحط داخلها الحلويات

طيب إذا لقيتها في السوق شرايكم أغلفها والا مايحتاج ؟

و فـ أي نوع أغلفها ؟ فالورق اللي يغلفون فيه صحون الحلويات ؟

والا مثل الصور اللي حطتهم البوم الذكريات ؟

طيب أبي عبارات بسيطة إذا ممكن لقيت عبارات حلوة في النت مثل :

شيلوني بحنان انا هدية من الرحمن ، بسم الله شيلوني و بدعوة حلوة اذكروني

إذا ممكن أبي بعد عبارتين أو ثلاث بهالبساطة

و شكراً جزيل الشكر مقدماً .. أدري أزعجتكم و تعبتكم معاي ولكن مظطرة

مميزة بذوقي · منذ /6-2-1433 هـ, 11:23 م

حبيبتي الرضاعات بتلقينها لأن أختي جابتها يوم ولدت
وتلقين كمان اشرطة ستان مكتوب عليها عبارات حلوة

مُنعطف · منذ /7-2-1433 هـ, 03:32 ص

أشتري لك فازه + فيونكه +شرايط ملونه +حلو ملون
عبي الفازه بالحلآو أربطي ساق الكاسه بالشرايط وثبتي الفيونكه عليه ^_^
أحس حلآو ملون أحلآ من الشوكلآته :)
*وكب كيك الايام ذي الكل صاير يحبه ذذ

الفقيرة إلى الله · منذ /10-2-1433 هـ, 01:10 م

السلام عليكم ورحمة الله وبركاته

أبشركم أمس مع إقامة صلاة الفجر ولدت

وكانت ولله الحمد ولادتها جداً سهلة

مميزة بذوقي

شكراً جزيلاً .. طمنتيني

بس آنه غيرت رايي هع هع

أحس الرضاعة حركة الكل يعرفها و مكررة

بروح إن شاء الله محلات بو 200 فلس

ونشوف إن شاء الله يكون في شي حلو ويساعد

منعطف

برضو فكرة حلوة .. شكراً جزيلاً

أما الكب كيك .. إن شاء الله لما تحمل

زوجة أخوي الثانية و تولد بنسويها

طيب بسأل سؤال بس مستحية

التوزيعات تتوزع قبل العشا ؟

لا تضحكون علي مثل هذا السمايل قليل الأدب

مثل ما قلت لكم ما قط مرة بحياتي سويت توزيعات

لأن بعد العشا بعد بنضيف المعازيم ضيافة خفيفة

إما شوكولا أو قطع كيك وفي رواية طورطة وفي رواية قاتوه

مميزة بذوقي · منذ /11-2-1433 هـ, 12:32 ص

يسعدلي قلبك يارب

اولاً الحمد لله على سلامة زوجة اخوك
اسال الله ان يحفظه ويجعله باراً بوالديه ويجعله من عباده الصالحين

.. صحيح اختي حركة الرضاعات قديمة لها فترة
حبيبتي التوزيعات بعد العشاء
بس احنا طريقتنا نوزع الفترة الاولى يعني اسبوعين او الين مايخلص الكمية بعد مانقهوي الضيوف

تحياتي

مواضيع مشابهة
الموضوع	الكاتب	المنتدى	الردود	آخر مشاركة
الموت ولادة فلا تخف	قلوب مؤمنة	عَـلـــى طَـــريـقِ الـــدَّعْـــوةِ	6	22-11-1429 هـ 01:52 ص
ولادة القلوب !!!!!	أم تلبو	عَـلـــى طَـــريـقِ الـــدَّعْـــوةِ	4	23-11-1428 هـ 02:11 ص
ولادة قطة بوجهين!!	أمــانــي	~ مُـــلــتـَقـى الأحِــــبَّـــــة ~	2	2-8-1428 هـ 06:19 م
ولادة أمل	الخنساء2007	بـَـــوْح الـْــحـُـروف	10	23-2-1428 هـ 01:58 م

أدوات الموضوع
عرض نسخة قابلة للطّباعة ارسال هذه الصفحة لصديق